«Байанайдаах Булчут» курэх «Саьар5а» уьуйаанна…

prev

Орто туруу бараан дойдуга, кехсуттэн тэьииннээх, кемускэс санаалаах саха удьуордара былыр-былыргыттан Барыылаах Байанайдыын ыкса ытыгылаьар угэстээхпит. Утуе угэспитинэн салайтаран, ебугэбит угэhин утумнаан, Байанайбыт барахсан сиэрин-туомун тутуhан, кини урдук аатын ааттаан, хотуулаах хоту дойду булчуттара, байанайдаах сонордьуттар билигин да бааллар. Байанайбыт куруутун утуе санаалаах булчуттарын илии тутуурдаах, еттук харалаах, кундулээн ыытар.

img_9075

Бу сиэри-туому кырачаан о5олорбутугар иитэр-уерэтэр олус наадалаах. Ону ейдеен, удьуору утумнаан  «Саьар5а» уьуйаанна сэтинньи 18 кунугэр «Байанайдаах Булчут» курэх ыытылынна. Ол курдук курэх элбэх киhини мунньан, уеруу-кетуу, ыhыы-хаhыы быыhыгар биэс а5а булка сатабылларын, дьо5урдарын кердерен, тынааhыннаах киирсии, куен керсуу буолла. Кыра «Сардаана» белехтен Илья Моттуев, орто «Ньургуhун» белехтен Ксенофонт  Кривошапкин, улахан белехтен Данил Третьяков, Петр Кудрин, Федот Лаптев киирдилэр. Курэх са5аланыытыгар о5олорбут барахсаттар а5аларыгар бэлэмнээбит «Куобах хайдах кылгас кутуруктаммытай?» — диэн остуоруйаны кердердулэр. Онтон дьэ куутуулээх курэх са5аланна. Бэйэни билиhиннэрии, кыыллар суолларын ырытыы, булт ыйытыктара, таабырыннара, табаны тутуу ньымалара, бол5омто5о уонна саамай кэрэ кестуу – тон балыкпытын кыьан, кыраьыабайдык киэргэтэн ууруу буолла. Бииртэн биир туьумэхтэргэ а5аларыгар ыалдьан о5олор да, ыалдьааччылар да бары ыксал-уеруу урдугэр олордубут!

Ытыктыыр, убаастыыр а5а саастаах эhэбит Петр Егорович Филиппов, айыл5а харыстабылын инспиэктэрдэрэ, Наталья Дмитриевна Бурнашова, «Саьар5а» уьуйаан сэбиэдисэйэ Саргылана Спиридоновна Кокорина, састааптаах тойон субэ5э кырдьык да уhулуччалаа5ы талар тынааhыннаах боппуруос турда.

Бары Байанайбыт утуе аатын ааттаан туран, бу эргиччи эриэккэс булчут а5аларбытыгар барыларыгар Анал аат инэриллиннэ, «Байанайдаах булчут» урдук аатын сугэн, кыайыылаа5ынан Петр Кудрин та5ыста. Айыл5а харыстабылын инспекциятын анал бирииhин Федот Лаптев ылла. Бары булчут а5аларга, куруук сиэри-туому умнубат, булт сокуонун куруук тутуhан, Байанайы ытыгылыыр, сонордоох Булчут буолалларыгар ба5а санаалар, алгыс тыллар этилиннилэр.

«Саьар5а» уhуйаан улэhиттэригэр, тэрийээччилэргэ сурдээх урдук таhымнаах, истин, интэриэhинэй биэчэри ыыппыттарыгар бар5а махтал буолуохтун! Дьолу-соргуну, кэхтибэт кэрэни ба5аран туран, Баай тыабытын харыстыа5ын, киниэхэ сугуруйуе5ун, утуе угэhи умнумуо5ун диэн ынырабыт!

Бэлэмнээтэ госинспектор Сайыына Семенова

Яндекс.Метрика